Tvær kvinnur og tveir menn á sambandslistan

LØGTINSVAL

- Formaður Sam­bands­­floks­­ins, Kaj Leo Jo­hann­e­sen, hevur boðað frá at Sam­bands­flokkurin skal hava javn­­støðu millum kynini í sein­asta lagi í 2012, og vænt­­ar nevndin í Norðoya Sam­b­andsfelag at náa hes­um mál­i­num við at skerja tali á valevnum til løg­tings­val­ið, sig­ur felagið í tíð­ind­a­skrivi.
Til seinasta løgtingsval hevði felagið sjey valevni, men til komandi løgtingsval fer felagið, sambart upp­skot­­­i­num frá nevndini, at stilla upp fýra valevni – tvær kvinnur og tveir menn.
Til seinasta løgtingsval fekk Sambandsflokkurin 602 atkvøður í Norðoya val­dømi. Tað eru 115 atkvøður ov lítið til at vinna seinna man­dat­ið frá Fólk­a­flokk­i­num.
Norðoya Sambandsfelag er umboðað í landsstýrinum við Bjørn Kalsø, so hetta kann venda gongdini – og kanska kunnu tær báðar kvinn­ur­nar gera tann vørrin sum skal til til tess at vinna flokk­inum umboð aftur á løg­tingi.
Býtið at atvkøðurnum mill­um sambandsvalevnini var annars hetta:

Bjørn Kalsø 192
John Kári Jacobsen 116
Magni Laksáfoss 80
Jákup Meinhardt Hansen 55
Karl Olgar Joensen 37
Erikka Elttør 32
John William Joensen 18