Í nátt varð heitasta nátt, sum nakrantíð er skrásett í landinum. Í býnum Kubschütz í eystara partinum av Týsklandi varð hitin máldur til 29,4 stig, upplýsir týska veðurstovan DWD sambært tíðindastovuni dpa.
Metið kemur dagin eftir, at Týskland eisini setti nýtt landsmet fyri hægsta hita. Leygardagin vórðu 41,5 stig mátað á einari veðurstøð í Sachsen-Anhalt.
Veðurfrøðingar vænta, at hitin eisini í dag fer upp um 40 stig fleiri staðni í Týsklandi. Í eystara og landsynningspartinum væntast 39 til 41 stig, og nær markinum til Póllands kann hitin koma heilt upp á 42 stig.
