Ukrainski forsetin, Volodymyr Zelenskyj, váttar á Telegram, at ukrainski herurin í nátt hevur framt fleiri álop á Russland.
Sambært forsetanum er ein oljugoymsla í Kertsj á Krim-hálvoynni rakt, umframt ein logistikmiðstøð í russisku Krasnodar-regiónini.
Russiski guvernørurin á Krim sigur, at fýra fólk eru dripin í Kertsj.
Sambært lokalum myndugleikum í Krasnodar, sum Reuters endurgevur, hevur eitt fólk eisini latið lív í Krasnodar.
Á hinari síðuni hava russar dripið trý fólk í álopum í eystara parti av Ukraina í nátt.
Lokalir ukrainskir myndugleikar siga, at russisku álopini vórðu vend móti regiónunum, Dnipropetrovsk og Poltava.
Umframt tey, sum lótu lív í eystara parti av Ukraina, fingu fleiri enn 20 fólk løstir í russisku álopunum.
Í nátt hava russar eisini lopið á Kharkiv, sum er næst størsti býur í Ukraina, og her er ein bygningurin í 12 hæddum raktur.
Borgarstjórin í Kharkiv, Ihor Terekhov, skrivar á Telegram, at tað vóru tvær tær ovastu hæddirnar í bygninginum, sum vórðu raktar í álopinum.
- Bygningurin verður nú kannaður, men higartil er einki frætt um, at nakar hevur fingið løstir, skrivar borgarstjórin í Kharkiv á Telegram.
##med2##
