Pep Guardiola, nýggjur venjari hjá Manchester City, hevur í kvøld vunnið sín fyrsta dyst sum venjari í Premier League. Tað skuldi eitt sjálvmál frá Paddy McNair til, áðrenn sigurin kom í hús.
Les eisini: Hesir eru favorittar at vinna Premier League
Tað var ikki sjampanjufótbóltur á Etihad leikvøllinum í Manchester, tá Pep Guardiola fekk sín elddóp sum venjari í Manchester City. Heimaliðið vann tó dystin móti Sunderland og fyrrverandi Manchester United venjaranum David Moyes 2-1.
Merkivert er, at sigursmálið kom ikki fyrr enn fáar minutti fyri tíð, og talan var um sjálvmál frá Paddy McNair, sum í vikuni bleiv keyptur frá arvafíggindanum og grannunum Manchester United.
Les eisini: Fyrstu ferð at meistaraliðið er fallið
Sergio Aguero legði annars Premier league favorittarnar á odda longu aftaná tríggjar minuttir, tá hann umsetti brotsspark til mál. Í seinna hálvleiki javnaði ein gamal kenningur í enskum fótbólti, Jermain Defoe.
Fáar minuttir fyri tíð fall avgerðin, tá óhepni Paddy McNair sendi innlegg í egið mál. Paddu McNair spældi so seint sum fyrr í vikuni við Manchester United.
Veddingarfyritøkurnar hava júst tey bæði liðini sum favorittar at vinna Premier League. So er spurningurin um hatta málið verið munurin.
Premier League 1. umfar:
Í dag:
Hull City - Leicester City 2-1
Burnley - Swansea City 0-1
Crystal Palace - West Bromwich Albion 0-1
Everton - Tottenham Hotspur 1-1
Middlesbrough - Stoke City 1-1
Southampton – Watford 1-1
Manchester City – Sunderland 2-1
Sunnudagin:
AFC Bournemouth - Manchester United 13:30
Arsenal – Liverpool 16:00
Mánadagin:
Chelsea - West Ham United (20:00)
