Eitt útlendskt ferðafólk, sum varð tikið fyri handilsstuld í Havn, verður í dag útvíst.
Talan er um kvinnuna, sum í gjár varð tikin fyri at hava stolið eina blusu og aðrar vørur úr tveimum ymiskum handlum í høvuðsstaðnum.
Løgreglan upplýsti í gjár, at málið fór at verða viðgjørt við atliti at fyrisitingarligari útvísing.
Nú hava myndugleikarnir í Danmark tikið avgerð um at útvísa kvinnuna. Hon hevur samstundis fingið innferðarbann í tvey ár og sleppur sostatt ikki inn aftur í landið hetta tíðarskeiðið.
Umframt útvísingina fær kvinnan bót og skal rinda endurgjald fyri stolnu vørurnar.
