Á jóansøku í Vági í dag gekk tað soleiðis, tá ið 6-mannaførini kappaðust, sum tað gjørdi bæði á norðoyastevnu og á eystanstevnu.
Smyril úr Vági vann á heimasjógvi, og harvið er 6-mannafarið í Vági stórur favorittur at vinna FM heitið, tí nú kappingarárið er um at vera hálvrunnið, er Smyril á odda við fullum stigatali.
Strálan av Strondum sprakk avstað, og Froðbingur setti eftir strandingum. Smyril fótaði sær ikki heilt beinanvegin í startspurtinum, men tað var skjótt, at svarti og hvíti báturin legði upp á síðuna av teimum fremstu, og skjótt stakk hann stevnið framum.
Smyril var eina løtu eina bátslongd frammanfyri Froðbing, sum í endaspurtinum spurtaði seg fram á hálvan Smyril, men tað var eingin ivi um, hvør tað var, sum var fremstur á mál.
| 1 | Smyril (VK) | 05:19.45 | +00.00 | 7 | ||
| 2 | Froðbingur (FSR) | 05:21.35 | +01.80 | 6 | ||
| 3 | Sundabáturin (NHR) | 05:26.27 | +06.64 | 5 | ||
| 4 | Skúgvur (SÍF) | 05:27.46 | +08.02 | 4 | ||
| 5 | Strálan (Strálan) | 05:29.03 | +09.16 | 3 | ||
| 6 | Kvívíksbáturin (KSR) | 05:50.25 | +30.60 | 2 | ||
| 7 | Víkingur (HR) | 05:50.31 | +30.72 | 1 |
| 1 | Smyril (VK) | 3 | 21 | ||
| 2 | Froðbingur (FSR) | 3 | 18 | ||
| 3 | Sundabáturin (NHR) | 3 | 14 | ||
| 4 | Skúgvur (SÍF) | 3 | 12 | ||
| 5 | Strálan (Strálan) | 3 | 10 | ||
| 6 | Kvívíksbáturin (KSR) | 3 | 5 | ||
| 7 | Víkingur (HR) | 3 | 4 |
rsf.fo
