Bjørt Samuelsen, løgtingsforkvinna, helt røðu, og avdúkaði málningin.
Torbjørn Olsen, listamaður, hevur málað listaverkið.
Í røðu síni greiddi Bjørt Samuelsen frá, at Páll á Reynatúgvu og Torbjørn Olsen hittust 10 ferðir, og Páll á Reynatúgvu sá ikki málningin fyrr enn hann var liðugur.
Fyrrverandi løgtingsformaðurin fegnast um úrslitið. Samanspælið við Torbjørn Olsen hevur verið gott, og nógv spennandi prát hava verið.
- Hetta er ein løgin kensla. Eg veit ikki um nakar hevur uppiborið hetta, men hetta er siðvenjan.
Ein andlitsmálningur skal fáa lyndiseykennini fram, og tað er eydnast heldur Páll á Reynatúgvu, tí hann kennir seg aftur í málninginum.
- Málningurin er trúgvur ímóti míni persónligheit, og hon kann bæði vera mild og hvøss. Hon rúmar, álvara, dirvið, og tað at hyggja frameftir. Hetta vóni eg hevur eyðkent meg í mínum politiska yrki.
##med2##
