Fríggjadagin 15. januar kl. 17:00 letur upp framsýning í Norðurlandahúsinum. Framsýningin kallast "Realitetens Øjne".
Talan er um ferðaframsýning, ið hevur verið á Listasavninum í Akureyri og í Norræna Húsinum í Reykjavík.
Tey, ið hava verk við á sýningini eru:
Michael Kvium og Martin Bigum, Danmark
Markku Laakso og Olli Summanen, Finnland
Daði Guðbjørnsson og Helgi Torgils, Ísland
Therese Nordtvedt, Noreg
Ernst Billgren, Svøríki
Karin Kneffel og Milan Kunc, Týskland
Daði Guðbjørnsson, ein av framsýnarunum, hevur skrivað soleiðis um framsýningina:
"Framsýningin skal umboða ein bólk av figurativum listafólkum, sum einamest hava verið at finna í útjaðaranum av høvuðsstreyminum, men sum hava nógv felags, kannar ein verk teirra nærri. Tað, tey hava felags, sæst ikki so væl uttan á, men tess betri á teirra máta at nærkast tilfarinum og heiminum".
Úr Norðurlandahúsinum ferðast framsýningin víðari til Horsens Kunstmuseum.
