David Geza Turi fekk fulla spælitíð, tá Grimsby Town í útidysti í fjórðbestu ensku fótbóltsdeildini vann 2-0 á Cheltenham. Talan er um fjórða sigurin á rað hjá Grimsby.
Kieran Green legði Grimsby á odda við ein flottum dundurskoti, tá bert fimm minuttir vóru leiktir. Tá eitt korter var eftir av vanligu leiktíðini økti Andy Cook úr stuttari fjarstøðu til 2-0.
Grimsby er nummar 10 í deildini við 40 stigum. Teir hava fimm stig upp til Notts County, ið er á sjeynda plássinum sum gevur rætt til at spæla um uppflyting.
Longu týskvøldið klokkan 19.45 spælir Grimsby dyst á útivølli móti Colchester.
HER ber til at síggja hæddarpunktini frá dystinum Cheltenham-Grimsby Town 0-2 (0-1):
##med2##
