Fyrr í dag eydnaðist tað Jóhan á Plógv Hansen og liðfeløgum hansara í Flensburg-Handewitt at vinna seg í finaluna i EHF European League aftaná 35-34 sigur á Melsungen í Barclay´s Arena høllini í Hamburg. Tað stóð á jøvnum 28-28 aftaná vanliga leiktíð. Í steðginum var Flensburg á odda 16-15. Jóhan skoraði eitt mál upp á tríggjar málroyndir.
Elias Ellefsen á Skipagøtu og liðfelagarnir í THW Kiel taptu í hálvfinaluni tepurt 31-32 fyri franska liðnum, Montpelier. Í steðginum var Kiel á odda 17-16. Elias skoraði trý mál upp á seks málroyndir.
Flensburg og Montpelier spæla finalu í Barclay´s Arena høllini í morgin klokkan 17. Klokkan 14 byrjar dysturin um triðja plássið millum Kiel og Melsungen.
HER ber til at síggja ein samandrátt frá dystinum Melsungen-Flensburg 34-35. Á brotinum sæst ein risa møguleiki Jóhan hevði at økja til 36-34 til Flensburg heilt móti endanum av longdu leiktíðini:
##med2##
HER ber til at síggja ein samandrátt frá dystinum Kiel-Montpelier 31-32. Á brotinum sæst Elias leggja upp til mál og skjóta mál:
##med3##
