Norðoya Sambandsfelag stuðlar framvegis Kaj Leo Holm Johannesen sum formanni, hóast nógv rumbul síðani kanningina frá Hans Gammeltoft-Hansen.
Sambært kanningini hjá Hans Gammeltoft-Hansen um leiklutirnar hjá fyrrverandi Innlendismálaráðharranum og sitandi Løgmanni í málinum um Eysturoyartunnilin, vóru báðir sekir í at hava brotið lógina um ábyrgd landsstýrismanna.
Kári P. Højgaard er ikki longur formaður í Sjálvstýrisflokksins, ei heldur landsstýrismaður, men Kaj Leo Holm Johannesen situr framvegis sum løgmaður og formaður Sambandsflokksins.
Av somu orsøk, fer formannskapurin í Løgtinginum undir at viðgera støðuna hjá løgmanni hósdagin, meðan økisfeløgini hjá Sambandsflokkinum fara at viðgera formansstøðuna hjá Kaj Leo Holm Johannesen í kvøld.
Longu í gjárkvøldi varð støðan hjá einum økisfeløgið tó greið. Norðoya Sambandsfelag stuðlar framvegis Kaj Leo Holm Johannesen sum formanni, og John William Joensen, formaður Norðoya Sambandsfelags, greiddi í tíðindunum á Rás 2 frá, hví tey hava almannakunngjørt sín stuðul.
Trýst á pílin undir myndini fyri at hoyra samrøðuna við John William Joensen.
