Sveisiska løgreglan sigur, at fimm fólk lótu lív, og 40 vórðu løstað í bussvanlukkuni í Sveis í gjár.

Hetta veit Reuters at siga í morgun.

Tað var ein niðurlendskur bussur við ferðafólkum, sum fór út av vegnum og koppaði á leiðini millum Zernez og Susch.

Í gjárkvøldið, váttaði sveisiska løgreglan, at fólk vóru deyð í vanlukkuni, og nú er so greit, at fimm fólk lótu lív, og mong eru løstað.

Høvuðsvegurin í sveisisku Engadine-regiónini var stongdur, meðan bjargingararbeiðið fór fram eftir ógvusligu vanlukkuna.