Tað var ein minni skelkur í donskum hondbólti, tá Ísak Vedelsbøl og liðfelagarnir í HØJ í farnu viku taptu 34-37 fyri Rækker Mølle í næstbestu donsku hondbóltsdeildini.
Í kvøld kom HØJ væl og virðiliga á sigursslóðina aftur.
Í Farum Arena vann HØJ í kvøld stórsigur 38-26 á Odder. Í steðginum var heimaliðið á odda 17-10.
Ísak skoraði fýra mál upp á fimm málroyndir.
HØJ hevur fýra stig fyri tríggjar dystir.
Í annaðkvøld klokkan 18 hava Rói Ellefsen á Skipagøtu og liðfelagarnir í Aarhus dyst á heimavølli móti Lemvig.
