Føroyska kvinnulandsliðið megnaði á útivølli í Eysturríki javnleik 33-33 í venjingardysti móti vertunum.
Eysturríki var á odda 18-15 í steðginum, og tær eysturríksku vóru á odda líka til dystarendan. Eitt skiftið vóru tær frammanfyri við fimm málum. Men Føroyar áttu góðan endaspurt, og í seinasta álopinum vann Mariu P. Nólsoy Føroyum brotskast, og hon syrgdi sjálv fyri, at bólturin sat í netinum til endaliga úrslitið 33-33.
Eitt gott avrik og væl komið aftur av teimum føroysku kvinnunum í einum venjingardysti á útivølli.
Liðini hittast aftur leygardagin klokkan 16. Portal Play vísir dystin. Atgongd til dystin kostar 49 krónur.
Málskjúttar: Maria Pálsdóttir Nólsoy 8 (3), Jana Mittún 7 (1), Pernille Brandenborg 6, Rannvá Olsen 3, Fríða Nolsøe Olsen 3 (2), Joan Rúnadóttir Johannesen 1, Brynhild Pálsdóttir 1 og Marita Mortensen 1.
