Mattias Hellisdal var á vøllinum í 76 minuttir, tá Västerås á Hitachi Energy Arena leikvøllinum tók móti botnproppinum í Allsvenskuni, Halmstad.
Tá Mattias fór av vøllinum var Västerås á odda 1-0, men onkursvegna megnaði botnliðið móti dystarenda at skjóta tvey mál, og so stóðu Mattias og liðfelagarnir eftir við ongum.
Jonathan Karlsson legði Västerås á odda beint undan steðginum aftaná eitt sera gott álop hjá heimaliðnum.
Västerås hevði væl fleiri málmøguleikar enn Halmstad, ið kendi betri sína vitjanartíð.
Västerås er nummar seks í deildini við 38 stigum. Teir hava átta stig upp til Hammarby, ið liggur á triðja plássinum, ið gevur atgongd til Conference League undankappingina komandi summar.
Sunnudagin klokkan 15.30 tekur liðið hjá Áka D. Samuelsen og Martini Agnarssyni, Mjällby móti júst Hammarby á Strandvallen leikvøllinum í Hällevik.
