Upp á 41 minuttir í gjár fingu seks bilførarar klipp í koyrikortið fyri at koyra móti ferðslurætninginum á Vaglinum í Havn.
Løgreglan var á staðnum frá klokkan 11.19 til 12.00 og heitir á bilførarar um at hyggja væl eftir skeltunum.
Tinghúsvegurin er í løtuni stongdur við Løgtingið. Tí ber ikki til at koyra vanliga vegin inn á Vaglið – niðan eftir Tinghúsvegnum og oman gjøgnum Sverrisgøtu.
Av tí at Tinghúsvegurin er stongdur við Løgtingið, so ber ikki til at sleppa inn á Vaglið sunnanífrá. Helst er tað orsøkin til, at fleiri bilførara »snýta« og koyra framvið Havnará niðan á Vagli av Áarvegnum ella Mylnugøtu. Einasti vegur at koyra inn á Vaglið er, um tú fert úr Tórsgøtu og niðan eftir Sverrisgøtu við handilin hjá Kissa. Har hevur ferðslan í eitt mannaminni verið einsrættað omaneftir
Hetta kann vera ein orsøk til, at bilførarar í staðin koyra av Áarvegnum ella Mylnugøtu niðan á Vaglið. Har hevur ferðslan tó verið einsrættað omaneftir, síðani Havnará varð latin upp í 2023.
Einasta atkoman við bili inn á Vaglið er nú niðan eftir Sverrisgøtu við handilin hjá Kissa. Tað er øvugt av tí, sum bilførarar hava verið vanir við í eitt mannaminni, tí eisini har hevur ferðslan verið einsrættað omaneftir.
