Stápsleiðarin á ukrainsku forsetaskrivstovuni sigur, at 22 ukrainskir krígsfangar aftrat nú eru komnir heimaftur úr russiskum fangilsi.
Millum hermenninar, sum eru komnir heimaftur í hesum umfari, eru fleiri, sum eru vorðnir særdir í bardøgum millum stríðandi partarnar.
- Hin elsti krígsfangin er 54 ára gamal, og hon yngsti er 23, skrivar stápsleiðarin, Andrij Jermak, á Telegram í dag.
Hann hevur eisini lagt út myndir og video av monnunum, sum nú skulu fáa bæði sálarliga hjálp og heilivág.
Síðan Russland leyp á Ukraina hin 24. februar í fjør, hava londini bæði latið eitt ávíst tal av krígsfangum leysar.
- Sambært ukrainskum myndugleikum eru 2600 ukrainskir krígsfangar komnir heimaftur, veit tíðindastovan NTB at siga í dag.
Sum skilst, hava russisku myndugleikarnir ikki gjørt viðmerkingar til, at Ukraina nú hevur fingið 22 krígsfangar heimaftur.
