Umleið 200 av teimum, sum byrjaðu í morgun, eru innskrivað til bachelor, 50 til master og 20 á hjánámi ella parttíðarlestri.
Í talu síni til tey lesandi segði Martin Tvede Zachariasen, rektari m.a., at eitt avgerandi mál fyri Setrið og Føroyar sum lestrarland er at gerast partur av Erasmus+ nú. Og at ætlanin er, at tey, sum í dag byrja at lesa á Setrinum, kunnu fáa gagn av skiftislestri úti í heimi gjøgnum ta skipanina, og at útlendsk lesandi á sama hátt skulu kunna koma á Fróðskaparsetrið við Erasmus+.
Eisini segði rektarin, at sannlíkindi eru fyri, at nøkur teirra fara at fáa gagn av tí nýggja felagsbygninginum, sum er í umbúna, og sum vónandi verður samtyktur av løgtinginum seinni í heyst.
Innleiðslan hjá teimum nýggju Setursspírunum heldur fram alla vikuna, og tey fáa m.a. mentorar, sum eru roynd lesandi, knýtt at sær hesa fyrstu tíðina.
##med2##
##med3##
##med4##
