Tað er tann sjeynda nýggjarsársrøðan hjá Aksel V. Johannesen, sum hann fer at halda fyri Føroya fólki í kvøld. Hann hevur áður hildið fýra røður, tá hann var løgmaður frá 2015 til 2019. Hetta er tann triðja í hesum valskeiðnum, og heldur samgongan skeiðið út, so verður tað hansara áttanda røða næstu ferð. Tá er tað bara Atil P. Dam, sum hevur hildið fleiri nýggjársrøðu, enn Aksel V. Johannsen.
Kaj Leo Holm Johannesen er enn tann, sum er á øðrum plássi við sjey nýggjársrøðum. Men í kvøld verða Aksel V. Johannesen og Kaj Leo Holm Johannesen javnir, tá Aksel V. Johannesen heldur sjeyndu røðu sína.
Tað er bara ein røða, sum er løgliga ásett, at løgmaður skal halda. Tað er ólavsøkurøðan, sum er ásett í stýrisskipanini, har tað í grein 12 verður sagt, at á ólavsøkufundinum greiðir løgmaður frá støðu landsins og teimum ætlanum, sum landsstýrið hevur í ætlan at fremja.
Nýggjársrøðan er ein siður, sum tók seg upp nøkur fá ár eftir, at Útvarp Føroya fór at senda í 1957, har løgmaður nýggjársaftan hevur heilsað tjóðini.
Nógvu tey fyrstu árini vóru tað fleiri av spíssunum í samfelagnum, sum fingu høvi at tosa í mikrofonina. Umframt løgmann vóru tað eitt nú formaðurin í fiskimannafelagnum og reiðarafelagnum, stjórin í Fiskasøluni og eisini landbúnaðarráðgevin, Hans J. Jacobsen (Heðin Brú). Hann plagdi at taka til, at grasárið var av teimum frægu og viðhvørt lakari!
Seinni varð hetta broytt. Nú eru nýggjárssendingar, har fleiri av omanfyri nevndu taka lut. Siðvenjan, at løgmaður ber fram røðu, er framvegis, og tað er ilt at ímynda sær, at hon verður slept.
Tað er upp til løgmann sjálvan at gera av, hvat nýggjársrøðan skal snúgva seg um.
Júst nær tann fyrsta nýggjársrøðan, í tí formi vit kenna hana, hevur verið, vita vit ikki heilt, men í fyrsta Sosialinum eftir nýggjár í 1962 prentar Sosialurin røðuna, sum Petur Mohr Dam, løgmaður, helt nýggjársaftan í 1962.
Í 1957 var Kristian Djurhuus løgmaður, tá var hann eisini á nýggjárinum í 1958. Men í januar í 1959 tók Petur Mohr Dam við sum løgmaður og sat til januar í 1963.
Síðani tá hava hesir løgmenn hildið nýggjarsársrøður:
1963: Hákun Djurhuus
1964: Hákun Djurhuus
1965: Hákun Djurhuus
1966: Hákun Djurhuus
1967: Petur Mohr Dam
1968: Kristian Djurhuus
1969: Kristian Djurhuus
1970: Atli P. Dam
1971: Atli P. Dam
1972: Atli P. Dam
1973: Atli P. Dam
1974: Atli P. Dam
1975: Atli P. Dam
1976: Atli P. Dam
1977: Atli P. Dam
1978: Atli P. Dam
1979: Atli P. Dam
1980: Atli P. Dam
1981: Pauli Ellefsen
1981: Pauli Ellefsen
1982: Pauli Ellefsen
1983: Pauli Ellefsen
1984: Pauli Ellefsen
1985: Atli P. Dam
1986: Atli P. Dam
1987: Atli P. Dam
1988: Atli P. Dam
1989: Jógvan Sundstein
1990: Jógvan Sundstein
1991: Atli P. Dam
1992: Atli P. Dam
1993: Marita Petersen
1994: Edmund Joensen
1995: Edmund Joensen
1996: Edmund Joensen
1997: Edmund Joensen
1998: Anfinn Kallsberg
1999: Anfinn Kallsberg
2000: Anfinn Kallsberg
2001: Anfinn Kallsberg
2002: Anfinn Kallsberg
2003: Anfinn Kallsberg
2004: Jóannes Eidesgaard
2005: Jóannes Eidesgaard
2006: Jóannes Eidesgaard
2007: Jóannes Eidesgaard
2008: Kaj Leo Holm Johannesen
2009: Kaj Leo Holm Johannesen
2010: Kaj Leo Holm Johannesen
2011: Kaj Leo Holm Johannesen
2012: Kaj Leo Holm Johannesen
2013: Kaj Leo Holm Johannesen
2014: Kaj Leo Holm Johannesen
2015: Aksel V. Johannesen
2016: Aksel V. Johannesen
2017: Aksel V. Johannesen
2018: Aksel V. Johannesen
2019: Aksel V. Johannesen
2019: Bárður á Steig Nielsen
2020: Bárður á Steig Nielsen
2021: Bárður á Steig Nielsen
2022: Aksel V. Johannesen
2023: Aksel V. Johannesen
2024: Aksel V. Johannesen
Nýggjársrøðan hjá Aksel V. Johannesen verður send beinleiðis í útvarpi og sjónvarpi hjá Kringvarpinum klokkan 19 í kvøld.
