Ein danskur tyrluskipari var annar teirra, sum lótu lív, tá tvær tyrlur í dag stoyttu saman undir arbeiðinum at basa náttúrubrøðum í Grikkalandi.
Tað skrivar grikski forsætisráðharrin, Kyriakos Mitsotakis, í einum uppslagi á sosiala miðlinum X.
Hin deyði var ein grikskur samskipari, sambært forsætisráðharranum.
Vanlukkan hendi nærindis Psatha í sunnara parti av Grikkalandi, har tyrlurnar luttóku í sløkkingararbeiðinum móti einum náttúrubrandi.
Ritzau hevur spurt danska Uttanríkisráðið, um tað kann vátta, at danski flogarin er deyður.
Grikkaland er í hesum døgum hart rakt av náttúrueldum. Eldar hava herjað bæði á meginlandinum og á fleiri av griksku oyggjunum, millum annað Lesbos og Kreta.
Á Kreta hava tríggir sløkkiliðsmenn eisini latið lív í royndunum at basa eldunum.
