Ísak Vedelsbøl og liðfelagarnir í Sävehof hava vunnið seg í fjórðingsfinalurnar í svensku steypakappingini.
Tað eydnaðist Ísaki og liðfeløgunum í kvøld at vinna 35-27 á Malmö á útivølli í seinnu áttandapartsfinaluni. Í steðginum var Sävehof á odda 14-12. Fyrra áttandapartsfinalan í Partille endaði við javnleiki 32-32, so Sävehof vann ein samlaðan 67-59 sigur. Ísak skoraði eitt mál í kvøld.
Tróndur Mikkelsen og liðfelagarnir í HF Karlskrona spældu í kvøld fyrru áttandapartsfinaluna móti Redbergslid á útivølli í Göteborg.
Dysturin endaði við javnleiki 32-32. Í steðingum var heimaliðið frammanfyri 19-15.
Tróndur gjørdist við fimm málum næstbesti málskjúttin hjá Karlskrona.
Seinna áttandapartsfinalan verður leikt í Brinova Arena høllini í Karlskrona komandi leygardag klokkan 15.
