Týskvøldið 20. januar klokkan 19.30 spæla Føroyar triðja dystin í innleiðandi EM-bólki D í Unity Arena uttanfyri Oslo.
Mótstøðuliðið hetta kvøldið verður Slovenia, ið er hægst styrkismetta liðið í bólkinum. Hini bæði liðini í bólki D eru Sveis og Montenegro.
Sambært Hbold hevur royndi 33 ára gamli høgru bakkurin, ið er liðfelagi hjá Hákuni West av Teigum givið avboð til EM-endaspælið vegna persónligar orsøkir.
Talan er um eitt afturstig hjá slovenska landsliðsvenjaranum, Uroš Zorman, tí talan er um ein hin mest roynda leikaran á slovenska liðnum.
6. januar spælir Slovenia á heimavølli venjingardyst móti Kuwait. Eftir tað ferðast hópurin til Fraklands fyri at spæla venjingardystir har.
Fríggjadagin 16. januar klokkan 17 spælir Slovenia fyrsta dystin í Unity Arena uttanfyri Oslo. Dysturin verður ímóti Montenegro.
Teir 20 kosnu hjá Uroš Zorman til EM-fyrireikingarnar hjá Slovenia eru nú hesir:
| Navn | Felag | |
|---|---|---|
| Jože Baznik | Málverji | PAUC Handball |
| Klemen Ferlin | Málverji | Industria Kielce |
| Miljan Vujović | Málverji | TVB Stuttgart |
| Tilen Kodrin | Vinstru vongur | VfL Gummersbach |
| Staš Slatinek Jovičič | Vinstru vongur | RD LL Grosist Slovan |
| Tim Cokan | Høgru vongur | RD LL Grosist Slovan |
| Blaž Janc | Høgru vongur | FC Barcelona |
| Domen Novak | Høgru vongur | SG Flensburg-Handewitt |
| Janez Guček | Vinstru bakkur | RK Trimo Trebnje |
| Nik Henigman | Vinstru bakkur | RK Eurofarm Pelister |
| Tarik Mlivić | Vinstru bakkur | RD LL Grosist Slovan |
| Aleks Vlah | Vinstru bakkur | Industria Kielce |
| Andraž Makuc | Spælskipari | RK Celje Pivovarna Laško |
| Domen Makuc | Spælskipari | FC Barcelona |
| Domen Tajnik | Spælskipari | RK Eurofarm Pelister |
| Timotej Grmšek | Høgru bakkur | RK Trimo Trebnje |
| Lan Grbić | Strikuleikari | RK Trimo Trebnje |
| Kristjan Horžen | Strikuleikari | VfL Gummersbach |
| Matic Suholežnik | Strikuleikari | RD LL Grosist Slovan |
| Stefan Žabić | Strikuleikari | RD LL Grosist Slovan |
