Valstøðini lótu upp fyri veljarum í Moldova í morgun.
Hetta er liður í einum tjóðartingsvali, har stjórnin í landinum og ES hava ákært Russland fyri at blanda seg uppí.
Á valinum eru Maia Sandu, forseti, og hennara ES-vinnandi flokkur, PAS, uppi ímóti einum vongi, sum stuðlar Russlandi.
Stjórnin í Moldova hevur ákært andstøðuna fyri at søkja hjálp í formi av russiskum propaganda og manipulatión.
Russland hevur víst ákærunum aftur, meðan russiskt sinnaða andstøðan í Moldova hevur ákært PAS fyri at hava ætlanir um svik.
Sambært AFP lótu valhølini upp klokkan fimm sunnumorgunin okkara tíð.
Væntandi kemur valúrslitið í kvøld.
Undan valinum vístu flestu meiningakanningar leiðslu fyri PAS. Men greinarar siga, at tað er langt frá vist, hvør vinnur.
Moldova er eins og grannalandið Ukraina, sum er í stríði við Russland, eitt kandidatland til ES-limaskap.
Ritzau/AFP
