Eyvindur var sonur Amaliu, f. Egholm, og Einar Mohr í Havn, næstyngstur av fýra brøðrum: Lill, Heri og Tórálvur.
Eftir lokna skúlagongd lærdi hann til fínmekanikara, og royndist hann framúr góður handverkari, og hevur hann avrikað mangt handaligt listaverk.
Í fyrru giftu var Eyvindur giftur Tove Thomsen av Tvøroyri og fingu tey sonin Kára. Seinni giftist hann Ninu Nolsøe úr Vági, tey fingu døturnar Turið og Gullu.
Í ein mansaldur hevur Eyvindur livað sum listamaður burturav.
