Fimm tilburðir av koronu í gjár

Í gjár vórðu fimm nýggir tilburðir av koronu, staðfestir. Tað vísa nýggjastu tølini hjá Landslæknanum. 

Tey fimm eru smittað í Føroyum, og øll eru partur av somu smittuketu, og tað er ein smittuketa, sum landslæknin fylgir. Tey smittaðu eru avbyrgd, og Landslæknin er í gongd við smittusporingina.

Í gjár vórðu1.006 kanningar gjørdar, og allar kanningarnar eru liðugt greinaðar. Í alt eru 131.130 kanningar gjørdar.

Tilsamans hava nú 472 persónar fingið staðfest smittuna í Føroyum. Í alt eru 429 persónar staðfestir frískir aftur, og sostatt eru 43 persónar smittaðir í løtuni.

Eingin er innlagdur á Sjúkrahúsverki Føroya í sambandi við Koronu.