Tað vísa tøl, sum Valurslit hava savnað.
Miðalaldurin hjá teimum, sum vórðu beinleiðis vald á løgtingsvalinum 26. mars í ár, var 50,4 ár. Tað er næsthægsti miðalaldur í Norðurlondum. Bert íslendska Altingið hevur hægri miðalaldur, nevniliga 51,2 ár.
Hinvegin hevur Danmark yngsta tingið. Miðalaldurin í Fólkatinginum eftir valið í mars í ár er 43,9 ár, sum er tann lægsti í Norðurlondum.
Sambært Valurslit sigur miðalaldurin tó einki um politisku royndirnar hjá tingfólkunum. Talan er einans um ein útroknaðan miðalaldur á valdegnum.
Samstundis sum føroyska tingið hevur høgan miðalaldur, eru kortini fleiri ung tingfólk vald enn áður.
Við valinum í ár vórðu sjey tingfólk undir 35 ár beinleiðis vald í Løgtingið. Tað er hægsta talið nakrantíð.
Tey eru:
Bjørg Brynhildardóttir Egholm (20 ár)
Beinir Johannesen (29 ár)
Steffan Klein Poulsen (29 ár)
Sunnvá Dahl Høgfeldt (30 ár)
Hervør Pálsdóttir (30 ár)
Bjarni Kárason Petersen (31 ár)
Grímur Sundstein (32 ár)
Til samanberingar varð bert eitt tingfólk undir 35 ár valt bæði í 2011 og 2015.
Sambært yvirlitinum hjá Valurslit hevur talið av ungum tingfólkum verið vaksandi seinastu valini. Í 2019 vórðu fýra vald, í 2022 seks og nú í 2026 sjey.
##med2##
##med3##
Kelda: Valurslit, við støði í tølum frá IPU Parline og Hagstovu Íslands.
