Frakland hevur avlýst restina av kappingarárinum

Fronsku myngugleikarnir hava boðað frá, at tað verður ongin fótbóltur fyrr enn í septembur. Tað hevur gjørt, at Ligue 1 og Ligue 2, sum eru besta og næstbesta deildin í Fraklandi eru endaðar fyri hetta kappingarárið.

Arbeitt verður nú við at finna útav hvussu landskappingin skal síggja út á stigatalvuni. Paris Saint Germain og Neymar eru 12 stig fremst og verða helst kosnir til meistarar. Tá munurin minni, tá talan er um Champions league plássunum, og í niðurflytingarstríðum.

Leiðslan í Ligue 1 og Ligue 2 skal í leypi av vikuni koma við einum útspæli, um hvussu kappingin verður avgreidd á pappírinum. Hetta er tann fyrsta av teimum fimm stóru landskappingunum í Evropa, sum velja at enda kappingarárið. Landskappingini í bæði Belgia og Hollandi er avlýst, men her er stór mótstøðu frá teimum feløgunum, sum kenna seg fyri órøttum í eitt nú niðurflytingarstríðnum.