Skattatrýstið í mest tyngdu kommununum er framvegis væl størri, enn tað er í teimum kommununum, har kommunala skattatrýstið er lægst. Munurin er kortini eitt sindur tódnaður. Eingin kommuna hevur hækkað skattaprosentið, og í sjey kommunum fara tey komandi ár at hava eitt lægri skattaprosent, enn tey hava havt í ár. Eingin av kommununum, sum hava lægsta skattaprosentið, er millum hesar sjey, tí tað er framvegis ikki loyvi at lækka prosentið niður um 16,00.
Eins og í 1999 so fara tey í Gjáar kommunu at hava lægsta kommunuskattaprosentið í ár 2000, meðan Vágs kommuna aftur komandi ár verður dýrasta kommunan at búgva í.
Maður og kona, sum eiga tvey børn undir 16 ár, sum eru limir í fólkakirkjuni, og sum hava eina skattaskylduga inntøku uppá tvey hundrað túsund krónur, fara komandi ár at rinda 14.500 krónur meiri í kommunuskatti í Vági, enn tey fara at rinda í Gjáar kommunu, og harafturat skal leggjast, at samlaði frádrátturin í kommunuskattinum fyri tey bæði børnini verður í Vági fimm túsund krónur, meðan hann í Gjáar kommunu verður tíggju túsund krónur. Ella við øðrum orðum kunnu vit siga, at samlaði munurin í kommunuskattinum verður 19.500 krónur ella 1.625 krónur um mánaðin.
Toppskorararnir
Hægsta skattaprosentið er í 1999 23,00 ? hetta er tað mesta, sum tað er loyvt at seta prosentið til ? og tað verður tað eisini komandi ár. Í 1999 hava níggju kommunur havt hægsta prosentið, meðan talið komandi ár verður fimm. Kommunurnar við hægsta prosentinum komandi ár vera Oyndarfjørður, Elduvík, Sandur, Skopun og Vágur.
Sambært yvirlitið, sum er komið frá Toll & Skattstovuni, so álíkna tey ikki kirkjuskatt á Sandi, í Elduvík og í Oyndarfirði. Kirkjuskattur verður álíknaður í Vági og í Skopun (0,16 prosent), og tað vil siga, at tað er í hesum báðum kommununum, at skattatrýstið verður størst komandi ár. Bæði í Vági og í Skopun verður barnafrádrátturin 2.500 krónur.
Í yvirlitinum, sum er komið frá Toll & Skattstovuni, stendur Tvøroyrar kommuna eisini at hava hægsta skattaprosentið, men í blaðnum í gjár stóð at lesa, at býráðið á Tvøroyri mánakvøldið gjørdi av, at skattaprosentið í ár 2000 skal verða eitt hálvt lægri, enn tað hevur verið í 1999.
Hinar kommunurnar, sum í ár hava havt eitt skattaprosent uppá 23,00, men sum hava samtykt at lækka prosentið fyri komandi ár, eru Vestmanna, Porkeris og Miðvágs kommunur. Í Vestmanna og Porkeri hava tey lækkað prosentið niður í 22,00, meðan tey í Miðvági hava sett prosentið niður úr 23,00 og til 21,00.
Tær smáu eru bíligast
Í tíggju kommunum hava tey gjørt av komandi ár at krevja skattaborgararnar eftir 16,00 prosentum í kommunuskatti. Fyrst í níti árunum varð avgjørt, at tað skuldi ikki bera til at áseta skattaprosentið lægri enn 16,00. Kommunurnar, sum fyri ár 2000 hava ásett lægsta prosentið, teljast allar millum tær smærru. Tað eru tær somu kommunurnar, sum í ár hava havt lægsta prosentið, og sum komandi ár fara at hava lægsta prosentið. Tær eru Fugloyar, Svínoyar, Kunoyar, Mikladals, Funnings, Gjáar, Bíggjar, Mykines, Skúvoyar og Fámjins kommunur.
Felags fyri flestu av hesum kommununum er, at tær skylda millum lítið og einki, og at tær upp á seg eiga heilt fitt av pengum á bók.
Gjáar kommuna verður tann bíligasta at búgva í komandi ár. Tær báðu kommunurnar, sum verða næstbíligast at búgva í, eru Svínoyar kommuna og Fámjins kommuna. Tær hava sama skattaprosent, sum tey hava í Gjáar kommunu, og í hvørgari av hesum kommununum verður kirkjuskattur álíknaður. Felags fyri báðar kommunurnar er, at barnafrádrátturin verður 4.500 krónur.
Lækkar eitt vet
Sambært yvirlitið frá Toll & Skattstovuni, so verður miðal skattaprosentið komandi ár 0,1 prosent lægri, enn tað hevur verið í ár. Í 1999 hevur miðal kommunuskattaprosentið verið 19,77, og komandi ár verður tað 19,67. Nes kommuna er tann av teimum 49 kommununum, sum hevur eitt skattaprosent, sum liggur tættast at miðal skattaprosentinum fyri allar kommunurnar. Í Nes kommunu er skattaprosentið 19,9 ella 0,23 prosent hægri, enn miðal prosentið í Føroyum.
Miðal barnafrádrátturin er í ár 2.721 krónur, og komandi ár verður hann 3.030 krónur. Í fimtan kommunum fer barnafrádrátturin komandi ár at vera 3.000 krónur.
Fjúrtan kommunur fara komandi ár at hava ein hægri barnafrádrátt, enn tær hava havt í ár. Størsta hækkingin verður í Kollafirði, har frádrátturin verður hækkaður við 1.700 krónum fyri hvørt barnið.
Tvær kommunur fara at hava hægst loyvda frádráttin, sum er fimm túsund krónur. Umframt Gjáar kommunu, sum í ár hevur verið einsamøll um hægst loyvda frádráttin, verður hægsti barnafrádrátturin veittur í Sunda kommunu, har hann er hækkaður við eitt túsund krónum. Skattaprosentið í Sunda kommunu verður 17,74, og har verður álíknað í kirkjuskatti 0,26 prosent.
Lægsti barnafrádrátturin í ár 2000 verður 1.500 krónur. Tað verður hann í trimum kommunum. Tær eru Hests, Mykines og Húsavíkar kommunur.
Kirkjuskatturin
Tað er loyvt øllum kommununum at álíkna kirkjuskatt, men í nítjan av teimum 49 kommununum verður eingin kirkjuskattur komandi ár.
Bý? og bygdaráðini áseta kirkjuskattaprosentið, men tað eru kirkjuráðini, sum gera av, um kirkuskattur skal álíknast. Uppgávan hjá kommunala myndugleikanum í tí sambandinum er at finna fram til, hvat kirkjuskattaprosentið skal vera. Mannagongdin er tann, at kirkjuráðini upplýsa fyri kommunala myndugleikanum, hvussu stór upphæddin, sum skal krevjast inn í kirkjuskatti, skal verða. Síðani ásetur kommunali myndugleikin, út frá inntøku metingini fyri komandi árið, kirkjuskattaprosentið.
Hægsta kirkjuskattaprosentið í ár 2000 verður í Gøtu kommunu. Har fara tey at rinda eitt prosent í kirkjuskatti. Í 1999 hava tey rindað 1,20 prosent. Næsthægsta kirkjuskattaprosentið komandi ár verður í Nes kommunu, har prosentið er ásett at verða 0,85. Í 1999 hevur kirkjuskattaprosentið í Nes kommunu verið 0,65. Felags fyri Gøtu kommunu og Nes kommunu er, at har eru kirkjur bygdar í níti árunum.
Í fimm øðrum kommunum verður kirkjuskattaprosentið komandi ár 0,5 ella hægri enn so: Lorvík (0,52), Runavík (0,62), Haldórsvík (0,50), Kollafjørður (0,60) og Kvívík (0,65).jh
Kommunuskatturin í 1999 og 2000
20001999MunurMunur
KommunaKomm.Ki.sk. %BarnaKom. Ki.sk. %BarnaKomm. Barn
sk. %frádr.sk. %frádr.sk. %frádr.
Fugloy16,003.00016,002.0000,001.000
Svínoy16,004.50016,004.5000,000
Viðareiðis21,500,352.50022,000,352.500-0,500
Hvannasund19,000,203.00019,000,202.5000,00500
Klaksvíkar20,000,242.50020,000,232.5000,000
Kunoyar16,003.00016,003.0000,000
Mikladals16,003.00016,003.0000,000
Húsa17,004.00017,004.0000,000
Oyndafjarðar23,002.00023,002.0000,000
Elduvíkar23,002.50023,002.0000,00500
Fuglafjarðar19,120,202.50019,120,202.5000,000
Lorvíkar22,000,523.00022,000,453.0000,000
Gøtu18,501,004.00018,501,204.0000,000
Nes19,900,853.20019,900,653.0000,00200
Runavíkar20,000,622.50020,000,551.5000,001.000
Sjóvar17,000,202.50017,000,202.5000,000
Skála21,350,152.50021,350,152.5000,000
Eiðis17,500,202.70018,000,252.500-0,50200
Sunda17,740,265.00017,740,264.0000,001000
Funnings16,004.00016,004.0000,000
Gjáar16,005.00016,005.0000,000
Haldórsvíkar19,100,503.00019,100,503.0000,000
Saksunar18,002.00018,002.0000,000
Hvalvíkar18,800,203.00018,800,203.0000,000
Hósvíkar17,500,243.00017,500,283.0000,000
Kollafjarðar18,500,603.50018,500,401.8000,001.700
Kvívíkar17,500,653.00018,000,663.000-0,500
Vestmanna22,000,242.50023,000,262.500-1,000
Kirkjubøar18,500,253.00018,500,252.0000,001.000
Hests17,001.50017,001.5000,000
Nólsoyar17,003.00017,002.5000,00500
Sandavágs18,750,252.50018,750,252.5000,000
Miðvágs21,000,252.20023,000,252.000-2,00200
Sørvágs21,000,252.50021,000,252.5000,000
Bíggjar16,003.00016,003.0000,000
Mykines16,001.50016,001.5000,000
Sands23,002.50023,002.5000,000
Skopunar23,000,162.50023,000,162.5000,000
Skálavíkar18,003.00018,003.0000,000
Húsavíkar20,501.50020,501.5000,000
Skúvoyar16,003.00016,003.0000,000
Hvalbiar19,000,203.00019,000,203.0000,000
Tvøroyrar22,500,252.50023,000,252.500-0,500
Fámjins16,004.50016,004.0000,00500
Hovs21,000,303.00021,000,303.0000,000
Porkeris22,000,252.50023,000,252.500-1,000
Vágs23,000,252.50023,000,252.5000,000
Sumbiar18,500,254.00018,500,754.0000,000
Tórshavnar19,000,253.50019,000,253.0000,00500
Hægsta23,001,005.00023,001,205.0000,000
Miðal19,670,303.03019,770,292.721-0,09309
Lægsta16,000,151.50016,000,161.5000,000
