Verkætlanin fevnir um eina viku og verður framd av arboristunum Rasmus Faurschou Madsen og Nicklas Lind Jørgensen.
Áðrenn arbeiðið fór í gongd, varð eitt skrásetingararbeiði gjørt í samráð við Skógrøktina, har tað varð avgjørt, hvørji trø skuldu skerast ella fellast. Tað er bert býargartnarin, sum tekur sær av sjálvari fellingini, meðan Henrik Ravn Træpleje arbeiðir við ábótum og viðlíkahaldi á ávísum trøum. Henda skipanin ger tað lættari at leggja eina tíðarætlan, so mest møguligt verður gjørt innanfyri stutta tíð. Arbeiðið fevnir millum annað um klipping, upplyftsklipping, krúnulyft, krúnuminking, krúnubøting og Cobra-skipanir.
"Vit leggja stóran dent á at varðveita trøini so leingi sum gjørligt. Men tá tey gerast ov veik og sjúk, noyðast vit at fella tey fyri at tryggja bæði borgarar, hús og bilar", sigur býargartnarin.
Í sambandi við eina fakliga meting hevur fyritøkan mælt til, at fýra trø uttanfyri Ráðhúsið mugu fellast skjótast til ber, tí tey hella út móti vegnum og eru sera veik. Kommunan fellir tó ikki trø uttan neyðugt grundarlag. Í fleiri førum hevur tað eydnast at geva gomlum trøum nógv fleiri ár at liva – til dømis hevur ein ahorn uttanfyri hjá frú Chor fingið eini 20 ár afturat, og tað sama er galdandi fyri ahornið uttanfyri gamla bókhandilin.
Ein av høvuðsorsøkunum til, at fleiri trø í býnum hava ringa heilsu, er, at veg- og byggiarbeiði ofta ávirkar røturnar. Tá røtur verða kliptar av ella tyngdar við amboðum og maskinum, gerast trøini við tíðini veik og sjúk. Hetta leiðir tíverri til, at tey við tíðini verða so ótrygg, at einasta loysn er at fella tey.
##med2##
##med3##
##med4##
##med5##
##med6##
##med6##
