David Geza Turi og liðfelagarnir í Grimsby Town fingu eitt minni gott útgangsstøðið til seinnu uppflytingar-hálvfinaluna móti Salford í fjórðbestu ensku fótbóltsdeildini, League Two.
Grimsby tapti í dag á heimavølli 1-2 fyri Salford. Grimsby fekk eina dreymabyrjan, tá Reece Staunton legði teir á odda í fyrsta minutti. Men bert tríggjar minuttir seinni javnaði Salford, og stutt undan steðginum skoraði útiliðið sigursmálið.
Geza fær góð ummæli fyri avrik sítt í dag. Bæði Sofascore og Soccerstand geva Geza karakterin 7,1 (av 10 møguligum).
Seinna uppflytingar-hálvfinalan verður leikt í Salford komandi fríggjakvøld klokkan 19.15. Samlaði vinnarin sleppur at spæla uppflytingarfinalu á legendariska Wembley-leikvøllinum í norðara partinum av London.
