– 1. maidagshaldið verður í Vágsbotni í morgin klokkan 13. Vit marsjera frá Havnar Arbeiðarafelag klokkan 12:50, og tað verður við Havnar Hornorkestri á odda, sigur Heri Reynheim, formaður í Havnar Arbeiðarafelag, tá vit ringja til hansara at fregnast um 1. mai haldið.
Seinastu árini hevur haldið verið á trappuni í Vágsbotni, og tað riggar avbera væl, og nógt betri enn uppi á Vaglinum, heldur Heri Reynheim.
Røðarar í ár vera:
- Poul Kjartan Matras, verkamaður
- Heðin Mortensen, býráðslimur í Havn
- Elin Kamilla Sørensen, forkvinna í Føroya Arbeiðarafelag
Av tí at hornorkesturstevna er, verður Havnar Hornorkestur bara við til byrjanin av tiltakinum. Í staðin fer Eyðun Nolsøe at syngja og spæla undir.
Eftir haldið í Vágsbotni verður kaffi á ábit at fáa í Perluni.
