Bert tvey stig í fimm teimum seinastu dystunum í fjórðbestu ensku fótbóltsdeildini, League Two.
Tað er veruleikin hjá David Geza Turi og liðfeløgunum í Grimsby Town.
Í kvøld tapti Grimsby á heimavølli 1-2 fyri Tranmere Rovers. Útiliðið hevði tvær royndir innanfyri málrammurnar, og tær sótu báðar í netinum hjá Grimsby. Heimaliðið hevði seks royndir innanfyri málrammurnar, men megnaði bert at skjóta eitt mál. Grimsby hevði eisini bóltin nógv meira, men tað rakk ikki til stig.
Tað góða - sæð við føroyskum brillum - var, at Geza fekk fulla spælitíð.
Grimsby er nummar níggju í deildini við 26 stigum. Teir hava bert eitt stig upp til Gillingham, ið er á sjeynda plássinum, ið gevur rætt til Play Off dystir um uppflyting. Grimsby hevur fýra stig upp til Bromley, ið er á triðja plássinum, ið saman við øðrum og fyrsta plássinum gevur beinleiðis uppflyting til triðbestu deildina, League One.
Leygardagin 6. desember hevur Grimsby heimadyst í øðrum umfarinum í FA Cup steypakappingini. Megna teir at vinna á Wealdstone úr sættubestu deildini, so fær Grimsby møguleikan at kappast í triðja umfarinum, har eitt lið úr Premier League kann gerast mótstøðuliðið.
HER ber til at síggja hæddarpunktini frá dystinum Grimsby Town-Tranmere Rovers 1-2 (0-1), har staðfestast kann, at Grimsby hevði ikki hepnið við sær í kvøld:
##med2##
