Breið skrá
Áskoðarar kunnu gleða seg til sera ymiskar sýningar úr Íslandi, Føroyum, Noregi/Sápmi og Svøríki, tá ið VERK – Nordic Stage Days fer av bakkastokki. Á skránni verður sjónleikur, dansur og onnur palllist. Evnini fevna um søguligar hendingar, staðbundnar frásagnir og tabu-evni sum skiftisárini, samleikarannsakan og tað, at hoyra til. Festivalurin verður í Norðurlandahúsinum, men sýningar verða eisini á Tjóðpallinum, í OY og á Glasi.
Ein nýggjur norðurlendskur samkomustaður
Endamálið við festivalinum er bæði at styrkja føroysku palllistina í norðurlendskum høpi og at geva almenninginum møguleika at uppliva norðurlendska palllist í Føroyum.
“Med denne festivalen blir Færøyene en markant medspiller i det nordiske scenekunstfeltet”, sigur Gunn Hernes, stjóri í Norðurlandahúsinum.
“VERK – Nordic Stage Days blir en ny nordisk møteplass, der scenekunstfolk kan bygge nettverk og nye samarbeid kan oppstå. Samtidig får publikum muligheten til store kunstneriske opplevelser på Færøyene. Vi gleder oss veldig!”
Skráin fyri VERK – Nordic Stage Days liggur á nlh.fo. Umframt sýningarnar hevur festivalurin eina serstaka skrá fyri fólk innan palllistarvinnuna við samrøðum, netverksfundum og vitanarútbýting tvørtur um Norðurlond.
##med2##
