HM: Serlig hagtøl tala fyri at Noreg fer at vinna heiðursmerki

Í kvøld klokkan 22 spæla Noreg og Ongland HM-fjórðingsfinalu á Hard Rock leikvøllinum í Miami.

Ongland er favorittur hjá veddingarfyritøkunum, men nøkur serlig søgulig hagtøl tala fyri, at Noreg fer at vinna seg víðari í kappingini, og fer at vinna heiðursmerkið.

Síðani HM-endaspælið í 1938 hevur tað nevnliga verið soleiðis, at tað liðið, ið hevur vunnið á Brasil í røkk-støkk dystum Í HM-endaspølum hevur altíð vunnið heiðursmerki.

Her eru allir HM-heiðursmerkjavinnararnir, ið hava vunnið á Brasil í einum røkk-støkk dysti, og í einum føri í einum innleiðandi bólkadysti:

• 1938: Italia – Gull

• 1950: Uruguay – Gull

• 1954: Ungarn – Silvur

• 1966: Portugal – Bronsa (Vann á Brasil í innleiðandi bólkaspælinum)

• 1974: Niðurlond – Silvur

• 1978: Argentina – Gull

• 1982: Italia – Gull

• 1986: Frakland – Bronsa

• 1990: Argentina – Silvur

• 1998: Frakland – Gull

• 2006: Frakland – Silvur

• 2010: Niðurlond – Silvur

• 2014: Týskland – Gull

• 2018: Belgia – Bronsa

• 2022: Kroatia – Bronsa

Í 1942 og 1946 var einki HM-endaspæl orsaka av seinna veraldarkríggi.

Brasil vann HM-gull í 2002, 1994, 1970, 1962 og 1958. Tí eru tey árstølini ikki við í yvirlitinum.

Heldur søgan sær frá øllum hinum HM-endaspølunum, ið Brasil ikki hevur vunnið, so fer Noreg at vinna heiðursmerki í hesum HM-endaspælinum, tí teir hesaferð vóru liðið, ið sendi Brasil úr HM-kappingini. 

Kelda: TV2 Noreg