Arbeiðið verður gjørt í hesum døgum, og í dag er arbeiðið gjørt í Djóna í Geil Gøtu.
Næstu dagarnar fer arbeiðið fram í hesum gøtum:
• 29. august 2022 - Djóna i Geil Gøta
• 30. august 2022 - Grønalíd
• 30. august 2022 Mannbrekka
• 31. august 2022 Stoffalág
– Hetta merkir eisini, at bilar ikki sleppa at standa parkeraðir í gøtunum, meðan arbeiðið fer fram, skrivar Tórshavnar kommuna.
Tá ið kloakkir verða hosufóðraðar, verða rørini umvæld innan. Tá ið hetta verður gjørt, sleppur kommunan undan stríðnum at grava, fylla í aftur og asfaltera. Hetta sparir kommununi nógva tíð og pening, umframt at borgarin sleppur undan, at vegir verða grivnir upp í longri tíðarbil.
##med2##
Arbeiðið at hosufóðra ber í sær, at stórar og langar hosur - upp í fleiri 100 metrar – verða lagdar inn í rørini.
Hosan verður vatntett og blást inn í rørini. Síðani stadnar hosan, og eitt spildurnýtt plastrør er bygt undir jørð.
– Arbeiðsútgerðin kann larma eitt sindur - tó ikki meira enn ein sláimaskina. Ampi kann eisini standast av lukti, løtuna arbeiðsfólkið fóðrar rørini, skrivar kommunan.
