Fyrra hálva av fjórða umfari í bólkaspælinum í Champions League var í gjár. Millum smest óvæntaðu úrslitini var 2-0 sigurin hjá Reyðu Stjørnu móti Liverpool. Jurgen Klopp, venjari hjá Liverpool, er ikki nøgdur við avrikini hjá sínum spælarum.
- Eg havi bara tíggju fingrar, svaraði Jurgen Klopp, tá hann bleiv biðin um at seta fingurin á, hvat gekk galið.
Liverpool er í einum torførum bólki, sum eisini telur Napoli og Paris Saint-Germain. Tí hevur felagið illa rað at tapa fyri Reyðu Stjørnu, sum Liverpoool annars vann greitt á í farna umfari. Napoli og PSG spældu javnleik, so nú hava Liverpool og Napoli seks stig, meðan PSG hevur fimm stig.
FC Barcelona er víðari til endaspælið, eftir 1-1 javnleik í Milano móti Inter Milan. Lionel Messi var við í ferðalagnum, men var ikki í hopinum. Hini liðini í bólkinum eru Tottenham og PSV. Her heldur Tottenham enn lív í møguleikanum at koma víðari, eftir at Harry Kane skoraði tvær ferðir í seinasta korterinum.
Thierry Henry hevur eisini funnið útav, at tað er helst lættari at vera viðmekjari enn venjari. Hann hevur tikið við í Monaco, sum er í trupulleikum í fronsku kappingini. Tað er teir eisini í Champions League, tí í gjár taptu teir heili 4-0 á heimavølli móti Club Brugge.
Bólkur A:
Monaco – Club Brugge 0-4
Atletico Madrid – Borussia Dortmund 2-0
Støðan:
1. Borussia Dortmund 9 (stig)
2. Atletico Madrid 9
3. Club Brugge 4
4. Monaco 1
Bólkur B:
Inter Milan – FC Barcelona 1-1
Tottenham – PSV 2-1
Støðan:
1. FC Barcelona 10
2. Inter Milan 7
3. Tottenham 4
4. PSV 1
Bólkur C:
Reyða Stjørna – Liverpool 2-0
Napoli – PSG 1-1
Støðan:
1. Napoli 6
2. Liverpool 6
3. PSG 5
4. Reyða Stjørna 4
Bólkur D:
FC Porto – Lokomotiv Moskva 4-1
Schalke – Galatasaray 2-0
Støðan:
1. FC Porto 10
2. Schalke 8
3. Galatasaray 4
4. Lokomotiv Moskva 0
