Triðja umfar í RK Prix í inniróðri, sum Róðrarfelagið Knørrur skipar fyri, varð hildið sunnudagin. Hjá yngstu rógvarunum, ið eru undir 15, vunnu Anna Louisa Rubek Nielsen og Jósef Zachariassen. Fyri U18 vunnu Gunnvá Fossaberg Ellingsgaard og Brestir Mikkelsen, meðan Johanna Petersen og Kári Rubek Nielsen vunnu kappingarnar fyri vaksin. Næsta umfar av Grand Prix-kappingini í inniróðri verður 24. januar.
