Bretski forsætisráðharrin, Keir Starmer, hitti palestinska forsetan, Mahmoud Abbas, í London í gjár.
Eitt talsfólk fyri forsætisráðharran sigur, at teir báðir leiðararnir umrøddu tørvin á einar skjótari loysn av ræðuligu líðingini og svøltanini í Gazageiranum.
Teir umrøddu eisini leyslating av ísraelsku gíslunum, sum Hamas framvegis hevur sitandi í fangilsi í Gazageiranum.
Sambært talsfólkinum segði Mahmoud Abbas seg virða bretska lyftið um viðurkenning av einum palestinskum ríki, um Ísrael ikki broytir kós.
Fundurin millum palestinska forsetan og bretska forsætisráðharran er fyri ST-aðalfundin, sum liggur fyri framman.
Hetta veit norska kringvarpið - NRK - at siga í nátt.
Vit kunnu leggja aftrat, at Mahmoud Abbas er 89 ára gamal. Hann er føddur hin 15. november í 1935 og hevur sitið í forsetaembætinum síðan hin 15. januar í 2005.
