– Eg havi tosað við Christian í morgun, og hann hevur tað gott. Hann er saman við familju síni og er við gott mót. Væntanin er, at hann skjótt kann verða útskrivaður og fara heim, sigur Morten Boesen sambært DBU.
Sunnukvøldið fall Christian Eriksen um undir venjingardystinum millum Danmark og Ukraina í Odense.
Danski miðvallarin fekk skjótt læknahjálp á vøllinum, men kundi síðani sjálvur ganga til sjúkrabilin, sum koyrdi hann á Odense Universitetssjúkrahús til nærri kanningar.
Landsliðslæknin sigur eisini, at bæði spælarar og starvsfólk kring landsliðið fáa neyðugan stuðul eftir hendingina.
– Vit taka okkum væl av spælarum og starvsfólki og hava støðugt samband við tey, sigur Morten Boesen.
Dysturin varð steðgaður stutt eftir hendingina. Tá hevði Danmark leiðsluna 2-1 eftir mál frá Patrick Dorgu og Joakim Mæhle.
/Ritzau/
