Tað váttar løgreglan í Berlin í einum uppslagi á X.
Sambært løgregluni varð maðurin funnin í einum kolonihavaøki í býarpartinum Spandau umleið klokkan 17 í dag.
Tá løgreglan royndi at handtaka hann, rann hann móti serligu tilbúgvingini við einum stikkvápni. Tað fekk løgregluna at lata skot av, og maðurin doyði á staðnum.
Innanríkisborgarstjórin í Berlin, Iris Spranger úr SPD, rósar løgregluni fyri skjóta innsatsin.
– Eg eri takksom fyri, at trygdarmyndugleikarnir funnu gerningsmannin so skjótt. Hetta var ein framúr góð løgregluatsókn, sigur hon sambært Bild.
Í gjárkvøldið koyrdi ein vøruvognur inn í eina mannamúgvu undir árligu Pride-skrúðgonguni í Tiergarten mitt í Berlin. Bilurin rendi á fleiri fólk, áðrenn hann fór frontalt inn í eitt træ, og førarin flýddi av staðnum.
Ein kvinna læt lív, og í minsta lagi 29 onnur vórðu særd.
Týski innanríkisráðharrin, Alexander Dobrindt, hevur lýst hendingina sum eitt islamistiskt yvirgangsálop.
