Ukrainski forsetin, Volodymyr Zelenskyj, er í einari nýggjari video-upptøku í einari serligari t-blusu.
Hetta er ikki farið afturvið borðinum hjá russum uttan orð.
"Make Russia Small Again" stendur á blusuni hjá forsetanum, og hann hevur sjálvur deilt upptøkuna á boðtænastuni, Telegram.
Hetta er júst tað øvuta av tí, sum fyrrverandi amerikanski forsetin, Donald Trump, brúkar sum slagorð um sítt land, tá hann sigur: "Make America Great Again".
Tað er eingin loyna, at málið hjá Volodymyr Zelenskyj, forseta, er at reka russar úr aftur hersettu økjunum í Ukraina.
Ávísin, The New Voice of Ukraine, veit at siga, at forsetin fekk blusuna við hesi serstøku áskrift frá ukrainska politikaranum, Honna Hopko, í vikuni.
##med2##
Talskvinnan hjá russiska uttanríkisráðnum, Maria Zakharova, rópar ukrainska forsetan "idiot" í einum uppslagi á boðtænastuni, X, fyrrverandi Twitter.
So, líkt er til, at "Make Russia Small Again" er ikki fallið í góða jørð í Russlandi.
Flestu munnu vita, at Volodymyr Zelenskyj hevur eina fortíð sum dugnaligur komikari, og alt bendir á, at hann eisini dugir at arga russiskar myndugleikar.
Lesið eisini - https://www.in.fo/news-detail/putin-verdur-alt-meira-fra-saer-sjalvum
