Tórshavnar býráð ætlar, at í framtíðini skulu ikki fleiri skrivstovur flyta inn í niðastu hædd í húsunum frá Vágsbotni og til Skinnarasker/Rasmusarbrúgv.
Har skal verða meira útvent virksemi.
Málið um at broyta byggisamtyktina kemur fyri á býráðsfundinum í Havn í kvøld.
Hetta merkir ikki at teir bygningar sum í løtuni hava skrivstovur ella annað í niðastu hædd, skulu broyta virksemið. Men um eitt nýtt leigumál kemur inn í bygningin á niðastu hædd, skal hetta hava útvent virksemi.
Útvent virksemi merkir til dømis kafé, matstova og handil.
