Tottenham og José Mourinho hava vunnið á Manchester City og Pep Guardiola. Sostatt er Liverpool nú 22 stig fremst í Premier League eftir 25 umfør.
Tað var ein rokaligur dystur á nýggja heimavøllinum hjá Tottenham. Fyrst vildi Tottenham hava Raheem Sterling útvístan fyri takling, sum minnir um aðrar taklingar, ið hava givið reytt kort í hesum kappingarárinum.
##med2##
Síðani fekk Manchester City brotsspark, men tað tók dómaranum, Mike Dean, heilar tveir minuttir at fáa steðgað spælinum, fyri síðani at døma tað. Hugo Lloris bjargaði brotssparkinum frá Ilkay Gundogan, men eftirfylgjandi varð rok, tí Hugo Lloris tóktist fella Raheem Sterling, tá hann fekk fatur á returinum. Raheem Sterling hevði gult og kundi verið útvístur, um dómarin metti tað var film. Tað bleiv við málspark.
Í seinna hálvleiki fekk vinstri bakkurin hjá Manchester City, Olexandr Zinchenko, sítt seinna gula kort fyri at steðga einum álopið. Bara minuttir seinni skoraði debutanturin hjá Tottenham, Steven Bergwijn. Son Heung-min staðfesti sigurin tjúgu minuttir fyri tíð.
##med3##
Við sigrinum er Tottenham komið upp á fimta pláss og hevur millum annað yvirhálað Manchester United. Manchester City hevur enn kós móti Champions League, men nú eru 22 stig upp til Liverpool.
Premier League 25. umfar:
Burnley – Arsenal 0-0
Tottenham – Manchester City 2-0
Í gjár:
Leicester – Chelsea 2-2
AFC Bournemouth – Aston Villa 2-1
Crystal Palace – Sheffield United 0-1
Liverpool – Southampton 4-0
Newcastle – Norwich 0-0
Watford – Everton 2-3
West Ham – Brighton 3-3
Manchester United – Wolverhampton 0-0
| 1 | Liverpool | 25 | 24 | 1 | 0 | 60:15 | 73 |
| 2 | Man City | 25 | 16 | 3 | 6 | 65:29 | 51 |
| 3 | Leicester | 25 | 15 | 4 | 6 | 54:26 | 49 |
| 4 | Chelsea | 25 | 12 | 5 | 8 | 43:34 | 41 |
| 5 | Tottenham | 25 | 10 | 7 | 8 | 40:32 | 37 |
| 6 | Sheffield Utd | 25 | 9 | 9 | 7 | 26:23 | 36 |
| 7 | Man Utd | 25 | 9 | 8 | 8 | 36:29 | 35 |
| 8 | Wolves | 25 | 8 | 11 | 6 | 35:32 | 35 |
| 9 | Everton | 25 | 9 | 6 | 10 | 31:37 | 33 |
| 10 | Arsenal | 25 | 6 | 13 | 6 | 32:34 | 31 |
| 11 | Burnley | 25 | 9 | 4 | 12 | 28:38 | 31 |
| 12 | Newcastle | 25 | 8 | 7 | 10 | 24:36 | 31 |
| 13 | Southampton | 25 | 9 | 4 | 12 | 31:46 | 31 |
| 14 | Crystal Palace | 25 | 7 | 9 | 9 | 22:29 | 30 |
| 15 | Brighton | 25 | 6 | 8 | 11 | 30:37 | 26 |
| 16 | Bournemouth | 25 | 7 | 5 | 13 | 25:38 | 26 |
| 17 | Aston Villa | 25 | 7 | 4 | 14 | 32:47 | 25 |
| 18 | West Ham | 25 | 6 | 6 | 13 | 30:43 | 24 |
| 19 | Watford | 25 | 5 | 8 | 12 | 23:39 | 23 |
| 20 | Norwich | 25 | 4 | 6 | 15 | 24:47 | 18 |
