Óli Mittún og liðfelagarnir í GOG stríðast fyri at fáa bronsuna heim í bestu donsku hondbóltsdeildini.
Í dag eydnaðist GOG í fyrstu bronsufinaluni, ið var í Svendborg Arena at vinna greiðan 38-31 sigur á Mors-Thy. Í steðginum var GOG á odda 19-17.
Óli var flúgvandi í dag. Hann skoraði sjey mál upp á sjey málroyndir, og hann legði eisini upp til heili átta mál.
Liðini hittast aftur í aðru/seinnu bronsufinaluni á heimavøllinum hjá Mors-Thy, hósdagin klokkan 17.30.
