Teis Horn Rasmussen og liðfelagarnir í Ribe-Esbjerg rukku ikki fjórðingsfinalunum í donsku steypakappingini.
Týskvøldið spældi Ribe-Esbjerg áttandapartsfinalu í Blue Water Dokken høllini móti Bjerringbro/Silkeborg.
Í steðginum var bert eitt mál á muni, har útiliðið var á odda 17-16. Men í seinna hálvleiki skrædnaði hjá Ribe-Esbjerg, ið at enda mátti lúta greitt 29-37. Teis, ið sum altíð tók síni tøk í verjuni var noteraður fyri eitt mál.
Longu leygardagin klokkan 15 skal Ribe-Esbjerg í eldin aftur. Tá spæla teir dyst í bestu deildini á útvølli móti Nordsjællandi.
