Tað er ikki bara vandin fyri, at vínagarðar brenna. Roykurin kann eisini seta seg í vínberini og geva víninum ein óynsktan royksmakk, sigur Thomas Ilkjær, sum hevur skrivað um vín í nógv ár og er leiðari á Vinakademiet.
– Í vínheiminum er tað ofta roykskaðin, sum er størsta avbjóðingin. Roykurin kann seta seg í skalinum á vínberunum, og tað kann ávirka vínið, sigur hann.
Sambært Ilkjær er tað serliga reyðvín, sum er útsett, tí skalið verður brúkt í framleiðsluni.
Nærum 1.000 ferkilometrar eru brendir í økjunum Landes og Gironde seinastu tíðina.
Ilkjær vil ikki siga, hvørjir vínagarðar eru raktir, men hann vísir á, at serliga Bordeaux-økið eigur eyga at haldast við.
– Tað er eitt av kendastu vínøkjunum í heiminum, og tað fær sjálvandi týdning, um vínberini ella vínagarðarnir verða ávirkaðir, sigur hann.
Borgarstjórin í Bordeaux, Thomas Cazenave, segði sunnudagin við Reuters, at myndugleikarnir umhugsaðu at flyta fólk úr býnum, tí eldurin hevði nærkað seg.
Thomas Ilkjær leggur dent á, at ein royksmakkur ikki altíð er óynsktur í víni.
– Tað veldst um, hvat slag av royki talan er um, og hvussu nógv hevur sett seg í vínberini, sigur hann.
Størsti vandin er, tá skógareldar koma stutt undan vínheystinum, tá vínberini eru búgvin.
– Hendir tað um várið, er trupulleikin vanliga nógv minni, sigur hann.
Líknandi trupulleikar hava verið í Kalifornia, har skógareldar fleiri ferðir hava noytt vínframleiðarar at minka um framleiðsluna.
