Stutt fyri klokkan 18 í gjárkvøldið fekk løgreglan fráboðan um, at roykur stóð úr einum bilverkstaði við Norðskála.
Hetta var á leiðini beint yvir av bygningunum hjá Løvu Betong og Vónini.
- Sløkkilið varð sent á staðið, men hetta vísti seg ikki at vera eldur, visti vaktleiðarin á løgreglustøðini at siga í morgun.
Tað vísti seg nevniliga, sigur løgreglan, at roykurin stóð úr einari gamlari oljufýr, sum av eini ella aðrari orsøk var farin at rúka.
