Tað skrivar Reuters.
Sambært fyritøkuni rakti álopið logistikkdepilin hjá Wildberries í russiska býnum Sarapul.
Starvsfólkini vórðu flutt burtur úr bygningunum, áðrenn álopið fór fram, og eingin er sambært fyritøkuni deyður ella særdur.
Vørur, sum skuldu sendast til kundar úr goymsluni í Sarapul, verða nú fluttar til aðrar goymslur.
Fleiri vørugoymslur hjá Wildberries eru fleiri ferðir raktar av dronuálopum í juli mánaði. Russland hevur í fleiri førum lagt Ukraina undir at standa aftan fyri álopini.
Wildberries er størsti nethandilin í Russlandi og verður ofta samanborin við amerikanska netrisan Amazon.
