Sunnunáttina klokkan 1.30 fekk politiið í Havn eina fráboðan um ein bil, sum stóð mitt á vegnum við Sjónleikarahúsið.
Politiið heldur, at onkrir ótangar hava sett bilin á rull.
- Onkur hevði sæð nakrar dreingir fara inn í bilin, har teir loystu hondbremsuna, soleiðis at bilurin fór á rull. Tá bilurin byrjaði at trilla, runnu hesir dreingirnir avstað, sigur vakthavandi á politistøðini.
Politiið fór á staðið og fekk sett bilin á eitt høgligari stað.
