Sjey aðru viðgerðir standa á skrá, nú tingfundur verður kl 13:30.
Millum uppskotini er uppskotið hjá løgmanni um at seta í gildi politilógina í Føroyum.
Lógargrundarlagið hjá løgregluni í Føroyum er gamalt og ótíðarhóskandi, og tí er neyðugt at javnføra lóggávuverkið innan økið við grannalond okkara, stendur at lesa í viðmerkingunum til uppskotið.
Í Danmark varð verandi politilóg samtykt í 2004.
Í sambandi við uppskotið at seta í gildi politilógina í Føroyum, er eisini uppskot um at dagføra lógina um virksemið hjá donsku fregnarløgregluni, PET, í Føroyum.
Uppskotini hava bæði verið í rættarnevndini, har ein meiriluti mælir til at taka undir við uppskotunum.
Les eisini: PET til viðgerðar í dag
Tey sjey málini, ið eru á skrá hjá tinginum í dag, eru:
1. 2. viðgerð: Løgtingsmál nr. 72/2019: Uppskot til løgtingslóg um at dagføra KT- skipanina hjá Apoteksverkinum
2. 2. viðgerð: Løgtingsmál nr. 51/2019: Uppskot til løgtingslóg um vernd av persónupplýsingum (Dátuverndarlógin)
3. 2. viðgerð: Løgtingsmál nr. 74/2019: Uppskot til ríkislógartilmæli um at seta í gildi fyri Føroyar Anordning om ikrafttræden for Færøerne af lov om politiets virksomhed (Politiloven)
4. 2. viðgerð: Løgtingsmál nr. 75/2019: Uppskot til ríkislógartilmæli um at seta í gildi fyri Føroyar Anordning om ikrafttræden for Færøerne af lov om Politiets Efterretningstjeneste (PET) (PET-loven)
5. 2. viðgerð: Løgtingsmál nr. 138/2019: Uppskot til løgtingslóg um broyting í løgtingslóg um skatt av reiðarívirksemi (Tonsaskattalógin) (Víðkan av tonsaskattaskipanini til at fevna um eina røð av serskipum o.a.)
6. 2. viðgerð: Løgtingsmál nr. 93/2019: Uppskot til løgtingslóg um broyting í løgtingslóg um talgildan samleika (Loyva peningastovnum at velja millum ymiskar undirskriftarloysnir)
7. 2. viðgerð: Løgtingsmál nr. 90/2019: Uppskot til løgtingslóg um ráðgeving og stuðul til gransking, menning og nýskapan
